Air — “Will ye go and marry Katie?”
Saw ye ne’er a lanely lassie,
Thinkin’ gin she were a wife,
The sun o’ joy wad ne’er gae down,
But warm and cheer her a’ her life?
Saw ye ne’er a wearie wifie,
Thinkin’ gin she were a lass,
She wad aye be blythe and cheerie,
Lightly as the day wad pass?
Wives and lasses, young and aged,
Think na on each ither’s state;
Ilka ane it has its crosses,
Mortal joy was ne’er complete.
Ilka ane has its blessings.
Peevish dinna pass them bye,
But like choicest berries seek them,
Tho’ amang the thorns they lie.
(Carolina Oliphant)
More Poetry from Carolina Oliphant:
Carolina Oliphant Poems based on Topics: Youth, Joy & Excitement, Life, Blessings- Wha'll Be King but Charlie? (Carolina Oliphant Poems)
- What Do Ye Think o' Geordie Noo? (Carolina Oliphant Poems)
- The County Meeting (Carolina Oliphant Poems)
- Ye'll Mount, Gudeman (Carolina Oliphant Poems)
- The Fife Laird (Carolina Oliphant Poems)
- Fareweel, Edinburgh (Carolina Oliphant Poems)
Readers Who Like This Poem Also Like:
Based on Topics: Life Poems, Joy & Excitement Poems, Youth Poems, Blessings PoemsBased on Keywords: lanely, katie, wearie, wifie, cheerie