Duet Sung by the Laird and His Daughter Mysie
Laird.
“O what do you think o’ Geordie noo?
O what do you think o’ Geordie noo?
Come daughter mine, come tell me true,
O what do you think o’ Geordie noo?”
Mysie.
“O Geordie we think nought ava,
O what has brought him here at a’?
We hae ae king, nae need o’ twa,
Sae Geordie ye maun march awa’.”
Laird.
“Oh daughter mine, I’m wae to see,
Ye speak sae light o’ majestie;
Now Geordie’s king o’ kingdoms three,
Ye maun obey baith him and me.”
Mysie.
“O faither dear, I need na say,
Your will’s a law I’ll aye obey,
But sure they’re wud that can compare
King Geordie wi’ auld Scotland’s heir!”
Laird.
“Fair faced, I grant, the Stuarts a’ be,
But, oh, they’re fu’ o’ treacherie;
O, Mysie, lass, ye little ken
The drift o’ Cavaliering men!”
Mysie.
“We’re wae to see a foreign loon,
Come over here to tak’ our croun
Outlandish gibberish on his tongue
No understood by auld or young.”
“O Geordie’s stout, and unco braid;
He’s no like Charlie in his plaid;
To see him dance, to hear him sing
O sure he is our rightfu’ king!”
Laird.
“It’s no to sing, nor yet to dance,
That we will tak’ a king frae France.
A bird that’s ta’en frae an ill nest
It aye will do like a’ the rest.”
Mysie.
“For nae offence that we can see,
Up in a rage will Geordie flee;
The flames get then his periwig,
That’s no denied by ony Whig.”
Laird.
“Aweel, aweel, and what’s a’ that,
To them wha promise and draw back?
Nae wiser by adversitie,
O! tyrants a’ the Stuarts wad be.”
Mysie.
“O, adverse winds round them did blaw,
And he has seen and felt it a’;
O, dinna believe ill tales are true,
For that we all are apt to do.”
Laird.
“It’s true the sun will melt the snaw,
It’s true that time will wear awa’,
It’s true that nicht will follow day,
O, Mysie, ther’s truth in a’ I say.
“O, Mysie, lass, dry up thy tears,
And think nae mair o’ cavaliers:
To fecht ‘gainst heaven is a’ in vain,
The Stuarts will never reign again.”
Together.
“Auld Scotland is unconquered land,
And aye for freedom made a stand;
So let us a’ in that agree,
Hurra, hurra, for liberty!
(Carolina Oliphant)
More Poetry from Carolina Oliphant:
Carolina Oliphant Poems based on Topics: Man, Youth, Kings & Queens, Law & Regulation, Birds, Heaven, Dancing, Anger, Liberty & Freedom, Obedience, Tyranny & Despotism- Wha'll Be King but Charlie? (Carolina Oliphant Poems)
- The County Meeting (Carolina Oliphant Poems)
- Ye'll Mount, Gudeman (Carolina Oliphant Poems)
- The Fife Laird (Carolina Oliphant Poems)
- Fareweel, Edinburgh (Carolina Oliphant Poems)
- The Hundred Pipers (Carolina Oliphant Poems)
Readers Who Like This Poem Also Like:
Based on Topics: Man Poems, Youth Poems, Heaven Poems, Kings & Queens Poems, Birds Poems, Anger Poems, Law & Regulation Poems, Liberty & Freedom Poems, Dancing Poems, Tyranny & Despotism Poems, Obedience PoemsBased on Keywords: fecht, cavaliers, whig, faither, hurra, majestie, croun, geordie, duet, stuarts, periwig
- Lamia. Part I (John Keats Poems)
- A Poem On The African Slave Trade. Addressed To Her Own Sex. Part I (Mary Birkett Card Poems)
- The Believer's Espousals : Chapter III. (Ralph Erskine Poems)
- Contest Between Beauty And Wealth, (Mary Abel Clinckett Poems)
- Advice To Ev'ry Master Of A Family, To Govern His House In A Religious Manner (Rees Prichard Poems)