Fareweel, fareweel, my native hame,
Thy lanely glens and heath-clad mountains!
Fareweel thy fields o’ storied fame,
Thy leafy shaws and sparkling fountains.
Nae mair I’ll climb the Pentlands steep,
Nor wander by the Esk’s clear river;
I seek a hame far o’er the deep-
My native land, fareweel for ever!
Thou land wi’ love and freedom crowned,
In ilk wee cot and lordly dwelling
May manly-hearted youth be found,
And maids in every grace excelling.
The land where Bruce and Wallace wight
For freedom fought in days o’ danger,
Ne’er crouched to proud usurping might,
But foremost stood, wrong’s stern avenger.
Though far frae thee, my native shore,
And tossed on life’s tempestuous ocean,
My heart-aye Scottish to the core-
Shall cling to thee wi’ warm devotion.
And while the waving Heather grows,
And onward rows the winding river,
The toast be “Scotland’s broomy knowes,
Her mountains, rocks, and glens forever!”
Alexander Hume
(Alexander Hume)
More Poetry from Alexander Hume:
Alexander Hume Poems based on Topics: Life, Danger & Risk, Fame- A Summer Day (Alexander Hume Poems)
- Menie Hay (Alexander Hume Poems)
- Oh! Years Hae Come (Alexander Hume Poems)
- My Bessie (Alexander Hume Poems)
- O Poverty! (Alexander Hume Poems)
- I've Wander'd On The Sunny Hill (Alexander Hume Poems)
Readers Who Like This Poem Also Like:
Based on Topics: Life Poems, Fame Poems, Danger & Risk PoemsBased on Keywords: knowes, bruce, excelling, usurping, avenger, lanely, fareweel, shaws, esk, broomy, hume