Oh! years hae come, an’ years hae gane,
Sin’ first I sought the warld alane,
Sin’ first I mused wi’ heart sae fain
On the hills o’ Caledonia.
But oh! behold the present gloom,
My early friends are in the tomb,
And nourish now the heather bloom
On the hills o’ Caledonia.
My father’s name, my father’s lot,
Is now a tale that ‘s heeded not,
Or sang unsung, if no forgot
On the hills o’ Caledonia.
O’ our great ha’ there ‘s left nae stane–
A’ swept away, like snaw lang gane;
Weeds flourish o’er the auld domain
On the hills o’ Caledonia.
The Ti’ot’s banks are bare and high,
The stream rins sma’ an’ mournfu’ by,
Like some sad heart maist grutten dry
On the hills o’ Caledonia.
The wee birds sing no frae the tree,
The wild-flowers bloom no on the lea,
As if the kind things pitied me
On the hills o’ Caledonia.
But friends can live, though cold they lie,
An’ mock the mourner’s tear an’ sigh,
When we forget them, then they die
On the hills o’ Caledonia.
An’ howsoever changed the scene,
While mem’ry an’ my feeling ‘s green,
Still green to my auld heart an’ e’en
Are the hills o’ Caledonia.
(Alexander Hume)
More Poetry from Alexander Hume:
Alexander Hume Poems based on Topics: Nature, Sin, Sadness, Friendship, Name, Weeds, Present- A Summer Day (Alexander Hume Poems)
- Menie Hay (Alexander Hume Poems)
- My Bessie (Alexander Hume Poems)
- O Poverty! (Alexander Hume Poems)
- I've Wander'd On The Sunny Hill (Alexander Hume Poems)
- My Wee, Wee Wife (Alexander Hume Poems)
Readers Who Like This Poem Also Like:
Based on Topics: Sadness Poems, Nature Poems, Friendship Poems, Name Poems, Sin Poems, Present Poems, Weeds PoemsBased on Keywords: wild-flowers, rins, caledonia, alane, mournfu, grutten