Oh! Rowan Tree, Oh! Rowan Tree, thou’lt aye be dear to me,
Intwin’d thou art wi’ mony ties o’ hame and infancy.
Thy leaves were aye the first o’ spring, thy flow’rs the simmer’s pride;
There was nae sic a bonny tree, in a’ the countrie side.
Oh! Rowan Tree.
How fair wert thou in simmer time, wi’ a’ thy clusters white,
How rich and gay thy autumn dress, wi’ berries red and bright!
On thy fair stem were mony names, which now nae mair I see,
But they’re engraven on my heart — forgot they ne’er can be!
Oh! Rowan Tree.
We sat aneath thy spreading shade, the bairnies round thee ran,
They pu’d thy bonny berries red, and necklaces they strang;
My mother! oh! I see her still, she smiled our sports to see,
Wi’ little Jeanie on her lap, an’ Jamie at her knee!
Oh! Rowan Tree.
Oh! there arose my father’s prayer, in holy evening’s calm,
How sweet was then my mother’s voice, in the Martyr’s psalm!
Now a’ are gane! we meet nae mair aneath the Rowan Tree;
But hallowed thoughts around thee twine o’ hame and infancy.
Oh! Rowan Tree.
Carolina Oliphant
(Carolina Oliphant)
More Poetry from Carolina Oliphant:
Carolina Oliphant Poems based on Topics: Time, Spring, Nature, Mothers, Prayers, Pride- Wha'll Be King but Charlie? (Carolina Oliphant Poems)
- What Do Ye Think o' Geordie Noo? (Carolina Oliphant Poems)
- The County Meeting (Carolina Oliphant Poems)
- Ye'll Mount, Gudeman (Carolina Oliphant Poems)
- The Fife Laird (Carolina Oliphant Poems)
- Fareweel, Edinburgh (Carolina Oliphant Poems)
Readers Who Like This Poem Also Like:
Based on Topics: Time Poems, Nature Poems, Spring Poems, Prayers Poems, Mothers Poems, Pride PoemsBased on Keywords: strang, necklaces, countrie, rowan, jeanie, jamie, aneath, bairnies, engraven, intwin, oliphant
- A Poem On The African Slave Trade. Addressed To Her Own Sex. Part II (Mary Birkett Card Poems)
- The Battle Of The Lake Regillus (Thomas Babbington Macaulay Poems)
- Fireflies (Rabindranath Tagore Poems)
- Kensington Garden (Thomas Tickell Poems)
- The Feast Of The Virgins - The Feast Of The Virgins (Hanford Lennox Gordon Poems)