Prince Charlie he’s cum owre frae France,
In Scotland to proclaim his daddie;
May Heaven still his cause advance,
And shield him in his Hieland plaidie!
O my bonny Hieland laddie,
My handsome, charming Hieland laddie!
May Heaven still his cause advance,
And shield him in his Hieland plaidie!
First when he cam’ to view our land,
The gracefu’ looks o’ the princely laddie
Made a’ our true Scots hearts to warm,
And blythe to wear the tartan plaidie.
O my bonny Hieland laddie,
My handsome, charming Hieland laddie!
May Heaven still his cause advance,
And shield him in his Hieland plaidie!
But when Geordie heard the news,
How he was cum afore his daddie,
He thirty thousand pounds wad gi’e,
To catch him in his Hieland plaidie.
O my bonny Hieland laddie,
My handsome, charming Hieland laddie!
May Heaven still his cause advance,
And shield him in his Hieland plaidie!
But tho’ the Hieland folks are puir,
Yet their hearts are leal and steady;
And there’s no ane amang them a’,
That wad betray their Hieland laddie.
O my bonny Hieland laddie,
My handsome, charming Hieland laddie!
May Heaven still his cause advance,
And shield him in his Hieland plaidie!
(Carolina Oliphant)
More Poetry from Carolina Oliphant:
Carolina Oliphant Poems based on Topics: Media & News- What Do Ye Think o' Geordie Noo? (Carolina Oliphant Poems)
- Wha'll Be King but Charlie? (Carolina Oliphant Poems)
- The County Meeting (Carolina Oliphant Poems)
- Ye'll Mount, Gudeman (Carolina Oliphant Poems)
- The Fife Laird (Carolina Oliphant Poems)
- Fareweel, Edinburgh (Carolina Oliphant Poems)
Readers Who Like This Poem Also Like:
Based on Topics: Media & News PoemsBased on Keywords: leal, tartan, cum, puir, geordie, hieland, gracefu, plaidie