He’s owre the hills that I lo’e weel,
He’s owre the hills we daurna name;
He’s owre the hills ayont Dunblane,
Wha soon will get his welcome hame.
My faither’s gane to fecht for him,
My brithers winna bide at hame;
My mither greets and prays for them,
And deed she thinks they’re no to blame.
He’s owre the hills that I lo’e weel,
He’s owre the hills we daurna name;
He’s owre the hills ayont Dunblane,
Wha soon will get his welcome hame.
The Whigs may scoff, the Whigs may jeer,
But ah! that love maun be sincere,
Which still keeps true whate’er betide,
An’ for his sake leaves a’ beside.
He’s owre the hills that I lo’e weel,
He’s owre the hills we daurna name;
He’s owre the hills ayont Dunblane,
Wha soon will get his welcome hame.
His right these hills, his right these plains;
O’er Hieland hearts secure he reigns;
What lads e’er did our lads will do;
Were I a laddie, I’d follow him too.
He’s owre the hills that I lo’e weel,
He’s owre the hills we daurna name;
He’s owre the hills ayont Dunblane,
Wha soon will get his welcome hame.
Sae noble a look, sae princely an air,
Sae gallant and bold, sae young and sae fair:
Oh! did ye but see him, ye’d do as we’ve done;
Hear him but ance, to his standard you’ll run.
He’s owre the hills that I lo’e weel,
He’s owre the hills we daurna name;
He’s owre the hills ayont Dunblane,
Wha soon will get his welcome hame.
(Carolina Oliphant)
More Poetry from Carolina Oliphant:
Carolina Oliphant Poems based on Topics: Fairness, Name, Running, Sincerity- Wha'll Be King but Charlie? (Carolina Oliphant Poems)
- What Do Ye Think o' Geordie Noo? (Carolina Oliphant Poems)
- The County Meeting (Carolina Oliphant Poems)
- Ye'll Mount, Gudeman (Carolina Oliphant Poems)
- The Fife Laird (Carolina Oliphant Poems)
- Fareweel, Edinburgh (Carolina Oliphant Poems)
Readers Who Like This Poem Also Like:
Based on Topics: Fairness Poems, Name Poems, Running Poems, Sincerity PoemsBased on Keywords: whigs, fecht, faither, ayont, brithers, hieland, daurna, dunblane