THO’ 1 women’s minds, like winter winds,
May shift, and turn, an’ a’ that,
The noblest breast adores them maist-
A consequence I draw that.
Chorus For a’ that, an’ a’ that,
And twice as meikle’s a’ that;
The bonie lass that I loe best
She’ll be my ain for a’ that.
Great love I bear to a’ the fair,
Their humble slave, an’ a’ that;
But lordly will, I hold it still
A mortal sin to thraw that.
For a’ that, &c.
But there is ane aboon the lave,
Has wit, and sense, an’ a’ that;
A bonie lass, I like her best,
And wha a crime dare ca’ that?
For a’ that, &c.
In rapture sweet this hour we meet,
Wi’ mutual love an’ a’ that,
But for how lang the flie may stang,
Let inclination law that.
For a’ that, &c.
Their tricks an’ craft hae put me daft.
They’ve taen me in, an’ a’ that;
But clear your decks, and here’s-“The Sex!”
I like the jads for a’ that.
For a’ that, &c.
Note 1. A later version of “I am a bard of no regard” in “The Jolly Beggars.” [back]
(Robert Burns)
More Poetry from Robert Burns:
Robert Burns Poems based on Topics: Fairness, Mind, Sense & Perception, Wit, Slavery, Crime, Sex- A Dedication (Robert Burns Poems)
- Address to the Devil (Robert Burns Poems)
- A Dream (Robert Burns Poems)
- Address ToThe Devil (Robert Burns Poems)
- Address to the Unco Guid (Robert Burns Poems)
- Address To A Haggis (Robert Burns Poems)
Readers Who Like This Poem Also Like:
Based on Topics: Mind Poems, Fairness Poems, Sense & Perception Poems, Slavery Poems, Wit Poems, Crime Poems, Sex PoemsBased on Keywords: women, mutual, winter, ain, sin, humble, mortal, rapture, lass, draw, here