Fair fa’ your honest, sonsie face,
Great chieftain o’ the puddin-race!
Aboon them a’ ye tak your place,
Painch, tripe, or thairm:
Weel are ye wordy of a grace
As lang’s my arm.
The groaning trencher there ye fill,
Your hurdies like a distant hill,
Your pin wad help to mend a mill
In time o’ need,
While thro’ your pores the dews distil
Like amber bead.
His knife see rustic Labour dight,
An’ cut ye up wi’ ready slight,
Trenching your gushing entrails bright
Like onie ditch;
And then, O what a glorious sight,
Then, horn for horn, they strech an’ strive:
Deil tak the hindmost! on they drive,
Till a’ their weel-swall’d kytes belyve,
Are bent like drums;
Then auld Guidman, maist like to rive,
Is there that owre his French ragout
Or olio that wad staw a sow,
Or fricassee wad mak her spew
Wi’ perfect sconner,
Looks down wi’ sneering, scornfu’ view
On sic a dinner?
Poor devil! see him owre his trash,
As feckless as a wither’d rash,
His spindle shank, a guid whip-lash,
His nieve a nit;
Thro’ bluidy flood or field to dash,
O how unfit!
But mark the Rustic, haggis-fed,
The trembling earth resounds his tread.
Clap in his walie nieve a blade,
He’ll make it whissle;
An’ legs, an’ arms, an’ heads will sned,
Like taps o’ thrissle.
Ye Pow’rs wha mak mankind your care,
And dish them out their bill o ‘fare,
Auld Scotland wants nae skinking ware
That jaups in luggies;
But, if ye wish her gratefu’ prayer,
Gie her a Haggis!
More Poetry from Robert Burns:Robert Burns Poems based on Topics: Fairness, Sense & Perception, Honesty & Integrity, Time, Faces, Money & Wealth, Place, Devils, Prayers
- A Dedication (Robert Burns Poems)
- Address to the Devil (Robert Burns Poems)
- A Dream (Robert Burns Poems)
- Address ToThe Devil (Robert Burns Poems)
- Address to the Unco Guid (Robert Burns Poems)
- A Poets's Welcome to His Love-Begotten Daughter (Robert Burns Poems)
Readers Who Like This Poem Also Like:Based on Topics: Time Poems, Faces Poems, Fairness Poems, Sense & Perception Poems, Place Poems, Money & Wealth Poems, Prayers Poems, Devils Poems, Honesty & Integrity Poems
Based on Keywords: bluidy, shank, spew, hindmost, nit, sonsie, nieve, trencher, haggis, whip-lash, hurdies