CONTENTED wi’ little, and cantie wi’ mair,
Whene’er I forgather wi’ Sorrow and Care,
I gie them a skelp as they’re creeping alang,
Wi’ a cog o’ gude swats and an auld Scottish sang.
Chorus.-Contented wi’ little, &c.
I whiles claw the elbow o’ troublesome thought;
But Man is a soger, and Life is a faught;
My mirth and gude humour are coin in my pouch,
And my Freedom’s my Lairdship nae monarch dare touch.
Contented wi’ little, &c.
A townmond o’ trouble, should that be may fa’,
A night o’ gude fellowship sowthers it a’:
When at the blythe end o’ our journey at last,
Wha the deil ever thinks o’ the road he has past?
Contented wi’ little, &c.
Blind Chance, let her snapper and stoyte on her way;
Be’t to me, be’t frae me, e’en let the jade gae:
Come Ease, or come Travail, come Pleasure or Pain,
My warst word is: “Welcome, and welcome again!”
Contented wi’ little, &c.
(Robert Burns)
More Poetry from Robert Burns:
Robert Burns Poems based on Topics: Man, Life, Night, Mind, Thought & Thinking, Past, Pain, Chance, Jokes & Humor- A Dedication (Robert Burns Poems)
- Address to the Devil (Robert Burns Poems)
- A Dream (Robert Burns Poems)
- Address ToThe Devil (Robert Burns Poems)
- Address to the Unco Guid (Robert Burns Poems)
- Address To A Haggis (Robert Burns Poems)
Readers Who Like This Poem Also Like:
Based on Topics: Man Poems, Life Poems, Night Poems, Mind Poems, Thought & Thinking Poems, Pain Poems, Past Poems, Chance Poems, Jokes & Humor PoemsBased on Keywords: journey, sorrow, thinks, pleasure, freedom, mirth, welcome, road, blind, trouble, ease