Chorus.-Ca’the yowes to the knowes,
Ca’ them where the heather grows,
Ca’ them where the burnie rowes,
My bonie Dearie.
HARK the mavis’ e’ening sang,
Sounding Clouden’s woods amang;
Then a-faulding let us gang,
My bonie Dearie.
Ca’ the yowes, &c.
We’ll gae down by Clouden side,
Thro’ the hazels, spreading wide,
O’er the waves that sweetly glide,
To the moon sae clearly.
Ca’ the yowes, &c.
Yonder Clouden’s silent towers, 1
Where, at moonshine’s midnight hours,
O’er the dewy-bending flowers,
Fairies dance sae cheery.
Ca’ the yowes, &c.
Ghaist nor bogle shalt thou fear,
Thou’rt to Love and Heav’n sae dear,
Nocht of ill may come thee near;
My bonie Dearie.
Ca’ the yowes, &c.
Fair and lovely as thou art,
Thou hast stown my very heart;
I can die-but canna part,
My bonie Dearie.
Ca’ the yowes, &c.
Note 1. An old ruin in a sweet situation at the confluence of the Clouden and the Nith.-R. B. [back]
(Robert Burns)
More Poetry from Robert Burns:
Robert Burns Poems based on Topics: Fairness, Fear, Art, Flowers, Fairy- A Dedication (Robert Burns Poems)
- Address to the Devil (Robert Burns Poems)
- A Dream (Robert Burns Poems)
- Address ToThe Devil (Robert Burns Poems)
- Address to the Unco Guid (Robert Burns Poems)
- Address To A Haggis (Robert Burns Poems)
Readers Who Like This Poem Also Like:
Based on Topics: Fairness Poems, Flowers Poems, Fear Poems, Art Poems, Fairy PoemsBased on Keywords: woods, sang, chorus, grows, ill, clearly, dance, spreading, sweetly, ruin, hark