SCOTS, wha hae wi’ WALLACE bled,
Scots, wham BRUCE has aften led,
Welcome to your gory bed,
Or to Victorie!
Now’s the day, and now’s the hour;
See the front o’ battle lour;
See approach proud EDWARD’S power-
Chains and Slaverie!
Wha will be a traitor knave?
Wha can fill a coward’s grave?
Wha sae base as be a Slave?
Let him turn and flee!
Wha, for Scotland’s King and Law,
Freedom’s sword will strongly draw,
FREE-MAN stand, or FREE-MAN fa’,
Let him on wi’ me!
By Oppression’s woes and pains!
By your Sons in servile chains!
We will drain our dearest veins,
But they shall be free!
Lay the proud Usurpers low!
Tyrants fall in every foe!
LIBERTY’S in every blow!-
Let us Do or Die!
(Robert Burns)
More Poetry from Robert Burns:
Robert Burns Poems based on Topics: Law & Regulation, Slavery, Liberty & Freedom, Tyranny & Despotism, Cowardice- A Dedication (Robert Burns Poems)
- Address to the Devil (Robert Burns Poems)
- A Dream (Robert Burns Poems)
- Address ToThe Devil (Robert Burns Poems)
- Address to the Unco Guid (Robert Burns Poems)
- Address To A Haggis (Robert Burns Poems)
Readers Who Like This Poem Also Like:
Based on Topics: Law & Regulation Poems, Liberty & Freedom Poems, Slavery Poems, Tyranny & Despotism Poems, Cowardice PoemsBased on Keywords: draw, king, sae, blow, base, welcome, fill, led, front, flee, wha