O MIRK, mirk is this midnight hour,
And loud the tempest’s roar;
A waefu’ wanderer seeks thy tower,
Lord Gregory, ope thy door.
An exile frae her father’s ha’,
And a’ for loving thee;
At least some pity on me shaw,
If love it may na be.
Lord Gregory, mind’st thou not the grove
By bonie Irwine side,
Where first I own’d that virgin love
I lang, lang had denied.
How aften didst thou pledge and vow
Thou wad for aye be mine!
And my fond heart, itsel’ sae true,
It ne’er mistrusted thine.
Hard is thy heart, Lord Gregory,
And flinty is thy breast:
Thou bolt of Heaven that flashest by,
O, wilt thou bring me rest!
Ye mustering thunders from above,
Your willing victim see;
But spare and pardon my fause Love,
His wrangs to Heaven and me.
(Robert Burns)
More Poetry from Robert Burns:
Robert Burns Poems based on Topics: Love, Mind, Heaven- A Dedication (Robert Burns Poems)
- Address to the Devil (Robert Burns Poems)
- A Dream (Robert Burns Poems)
- Address ToThe Devil (Robert Burns Poems)
- Address to the Unco Guid (Robert Burns Poems)
- Address To A Haggis (Robert Burns Poems)
Readers Who Like This Poem Also Like:
Based on Topics: Love Poems, Mind Poems, Heaven PoemsBased on Keywords: loud, tempest, sae, seeks, aye, virgin, spare, father, fond, wad, loving