YESTREEN I had a pint o’ wine,
A place where body saw na;
Yestreen lay on this breast o’ mine
The gowden locks of Anna.
The hungry Jew in wilderness,
Rejoicing o’er his manna,
Was naething to my hinny bliss
Upon the lips of Anna.
Ye monarchs, take the East and West
Frae Indus to Savannah;
Gie me, within my straining grasp,
The melting form of Anna:
There I’ll despise Imperial charms,
An Empress or Sultana,
While dying raptures in her arms
I give and take wi’ Anna!
Awa, thou flaunting God of Day!
Awa, thou pale Diana!
Ilk Star, gae hide thy twinkling ray,
When I’m to meet my Anna!
Come, in thy raven plumage, Night,
(Sun, Moon, and Stars, withdrawn a’;)
And bring an angel-pen to write
My transports with my Anna!
POSTSCRIPTThe Kirk an’ State may join an’ tell,
To do sic things I maunna:
The Kirk an’ State may gae to hell,
And I’ll gae to my Anna.
She is the sunshine o’ my e’e,
To live but her I canna;
Had I on earth but wishes three,
The first should be my Anna.
(Robert Burns)
More Poetry from Robert Burns:
Robert Burns Poems based on Topics: Night, Hell, Place, Wine- A Dedication (Robert Burns Poems)
- Address to the Devil (Robert Burns Poems)
- A Dream (Robert Burns Poems)
- Address ToThe Devil (Robert Burns Poems)
- Address to the Unco Guid (Robert Burns Poems)
- Address To A Haggis (Robert Burns Poems)
Readers Who Like This Poem Also Like:
Based on Topics: Night Poems, Place Poems, Wine Poems, Hell PoemsBased on Keywords: join, east, hungry, body, locks, grasp, sic, write, gie, form, sunshine
- The Believer's Espousals : Chapter II. (Ralph Erskine Poems)
- Der Freischutz (Madison Julius Cawein Poems)
- Notes On Vision (James Douglas Morrison Poems)
- Paradise Regain'd : Book III. (John Milton Poems)
- Stanza's Concerning Some Persons And Things, That Are Mentioned In The Holy Scriptures (Rees Prichard Poems)