Chorus.-Robin shure in hairst,
I shure wi’ him.
Fient a heuk had I,
Yet I stack by him.
I GAED up to Dunse,
To warp a wab o’ plaiden,
At his daddie’s yett,
Wha met me but Robin:
Robin shure, &c.
Was na Robin bauld,
Tho’ I was a cotter,
Play’d me sic a trick,
An’ me the El’er’s dochter!
Robin shure, &c.
Robin promis’d me
A’ my winter vittle;
Fient haet he had but three
Guse-feathers and a whittle!
Robin shure, &c.
(Robert Burns)
More Poetry from Robert Burns:
- A Dedication (Robert Burns Poems)
- Address to the Devil (Robert Burns Poems)
- A Dream (Robert Burns Poems)
- Address ToThe Devil (Robert Burns Poems)
- Address to the Unco Guid (Robert Burns Poems)
- Address To A Haggis (Robert Burns Poems)