O MARY, at thy window be,
It is the wish’d, the trysted hour!
Those smiles and glances let me see,
That make the miser’s treasure poor:
How blythely was I bide the stour,
A weary slave frae sun to sun,
Could I the rich reward secure,
The lovely Mary Morison.
Yestreen, when to the trembling string
The dance gaed thro’ the lighted ha’,
To thee my fancy took its wing,
I sat, but neither heard nor saw:
Tho’ this was fair, and that was braw,
And yon the toast of a’ the town,
I sigh’d, and said among them a’,
“Ye are na Mary Morison.”
Oh, Mary, canst thou wreck his peace,
Wha for thy sake wad gladly die?
Or canst thou break that heart of his,
Whase only faut is loving thee?
If love for love thou wilt na gie,
At least be pity to me shown;
A thought ungentle canna be
The thought o’ Mary Morison.
(Robert Burns)
More Poetry from Robert Burns:
Robert Burns Poems based on Topics: Love, Fairness, Mind, War & Peace, Hope, Money & Wealth, Thought & Thinking, Dancing- A Dedication (Robert Burns Poems)
- Address to the Devil (Robert Burns Poems)
- A Dream (Robert Burns Poems)
- Address ToThe Devil (Robert Burns Poems)
- Address to the Unco Guid (Robert Burns Poems)
- Address To A Haggis (Robert Burns Poems)
Readers Who Like This Poem Also Like:
Based on Topics: Love Poems, Mind Poems, War & Peace Poems, Fairness Poems, Hope Poems, Thought & Thinking Poems, Money & Wealth Poems, Dancing PoemsBased on Keywords: canst, town, yon, reward, smiles, loving, wilt, sake, gladly, wing, treasure