O ONCE I lov’d a bonie lass,
Ay, and I love her still;
And whilst that virtue warms my breast,
I’ll love my handsome Nell.
As bonie lasses I hae seen,
And mony full as braw;
But, for a modest gracefu’ mein,
The like I never saw.
A bonie lass, I will confess,
Is pleasant to the e’e;
But, without some better qualities,
She’s no a lass for me.
But Nelly’s looks are blythe and sweet,
And what is best of a’,
Her reputation is complete,
And fair without a flaw.
She dresses aye sae clean and neat,
Both decent and genteel;
And then there’s something in her gait
Gars ony dress look weel.
A gaudy dress and gentle air
May slightly touch the heart;
But it’s innocence and modesty
That polishes the dart.
‘Tis this in Nelly pleases me,
‘Tis this enchants my soul;
For absolutely in my breast
She reigns without control.
Note 1. The first of my performances.-R. B. [back]
(Robert Burns)
More Poetry from Robert Burns:
Robert Burns Poems based on Topics: Soul, Confession, Reputation- A Dedication (Robert Burns Poems)
- Address to the Devil (Robert Burns Poems)
- A Dream (Robert Burns Poems)
- Address ToThe Devil (Robert Burns Poems)
- Address to the Unco Guid (Robert Burns Poems)
- Address To A Haggis (Robert Burns Poems)
Readers Who Like This Poem Also Like:
Based on Topics: Soul Poems, Confession Poems, Reputation PoemsBased on Keywords: weel, clean, lass, pleasant, note, mony, lov, bonie, dress, she, sae