About Zule, quhen the wind blew cule,
And the round tables began,
A’! there is cum to our kings court
Mony a well-favourd man.
The queen luikt owre the castle wa,
Beheld baith dale and down,
And then she saw zoung Waters
Cum riding to the town.
His footmen they did rin before,
His horsemen rade behind;
And mantel of the burning gowd
Did keip him frae the wind.
Gowden graith’d his horse before,
And siller shod behind;
The horse zong Waters rade upon
Was fleeter than the wind.
But than spake a wylie lord,
Unto the queen said he:
“O tell me qhua’s the fairest face
Rides in the company?”
“I’ve sene lord, and I’ve sene laird,
And knights of high degree,
Bot a fairer face than zoung Waters
Mine eyne did never see.”
Out then spack the jealous king
(And an angry man was he):
“O, if he had been twice as fair,
Zou micht have excepted me.”
“Zou’re neither laird nor lord,” she says,
“Bot the king that wears the crown;
Thereis not a knight in fair Scotland,
Bot to thee maun bow down.”
For a’ that she could do or say,
Appeasd he wad nae bee;
Bot for the words which she had said
Zoung Waters he maun dee.
They hae taen zoung Waters, and
Put fetters to his feet;
They hae taen zoung Waters, and
Thrown him in dungeon deep.
“Aft I have ridden thro’ Stirling town,
In the wind both and the weit;
Bot I neir rade thro’ Stirling town
Wi fetters at my feet.
“Aft have I ridden thro’ Stirling town,
In the wind both and the rain;
Bot I neir rade thro’ Stirling town
Neir to return again.”
They hae taen to the heiding-hill
His zoung son in his craddle;
And they hae taen to the heiding-hill
His horse both and his saddle.
They hae taen to the heiding-hill
His lady fair to see;
And for the words the queen had spoke
Zoung Waters he did dee.
(Anonymous British)
More Poetry from Anonymous British:
Anonymous British Poems based on Topics: Man, Fairness, Kings & Queens, Anger, Horse, Envy & Jealousy- An Excellent Ballad Of George Barnwell, An Apprentice Of London (Anonymous British Poems)
- Poetical Reflections On A Late Poem Entitled Absalom And Achitophel (Anonymous British Poems)
- The Bride's Burial. To The Tune Of The Lady's Fall (Anonymous British Poems)
- The Midnight Messenger. or A Sudden Call From An Earthly Glory To The Cold Grave. (Anonymous British Poems)
- The Spanish Virgin, Or Effects Of Jealousy (Anonymous British Poems)
- The Poets Calendar (Anonymous British Poems)
Readers Who Like This Poem Also Like:
Based on Topics: Man Poems, Fairness Poems, Kings & Queens Poems, Anger Poems, Horse Poems, Envy & Jealousy PoemsBased on Keywords: excepted, eyne, neir, footmen, gowden, bot, micht, sene, mantel, quhen, stirling