There were twa sisters sat in a bow’r;
(Binnorie, O Binnorie!)
A knight cam’ there, a noble wooer,
By the bonny mill-dams o’ Binnorie.
He courted the eldest wi’ glove and ring,
(Binnorie, O Binnorie!)
But he lo’ed the youngest aboon a’ thing,
By the bonny mill-dams o’ Binnorie.
The eldest she was vexed sair,
(Binnorie, O Binnorie!)
And sair envìed her sister fair,
By the bonny mill-dams o’ Binnorie.
Upon a morning fair and clear,
(Binnorie, O Binnorie !)
She cried upon her sister dear,
By the bonny mill-dams o’ Binnorie.
`O sister, sister, tak’ my hand,’
(Binnorie, O Binnorie!)
`And let’s go down to the river-strand,’
By the bonny mill-dams o’ Binnorie.
She’s ta’en her by the lily hand,
(Binnorie, O Binnorie!)
And down they went to the river-strand
By the bonny mill-dams o’ Binnorie.
The youngest stood upon a stane,
(Binnorie, O Binnorie!)
The eldest cam’ and pushed her in,
By the bonny mill-dams o’ Binnorie.
‘O sister, sister, reach your hand!’
(Binnorie, O Binnorie!)
‘And ye sall be heir o’ half my land’—
By the bonny mill-dams o’ Binnorie.
‘O sister, reach me but your glove!’
(Binnorie, O Binnorie!)
‘And sweet William sall be your love’—
By the bonny mill-dams o’ Binnorie.
Sometimes she sank, sometimes she swam,
(Binnorie, O Binnorie!)
Till she cam’ to the mouth o’ yon mill-dam,
By the bonny mill-dams o’ Binnorie
Out then cam’ the miller’s son
(Binnorie, O Binnorie!)
And saw the fair maid swimmin’ in,
By the bonny mill-dams o’ Binnorie.
‘O father, father, draw your dam!’
(Binnorie, O Binnorie!)
‘There’s either a mermaid or a swan,’
By the bonny mill-dams o’ Binnorie.
The miller quickly drew the dam,
(Binnorie, O Binnorie!)
And there he found a drown’d womàn,
By the bonny mill-dams o’ Binnorie.
Round about her middle sma’
(Binnorie, O Binnorie!)
There went a gouden girdle bra’
By the bonny mill-dams o’ Binnorie.
All amang her yellow hair
(Binnorie, O Binnorie!)
A string o’ pearls was twisted rare,
By the bonny mill-dams o’ Binnorie.
On her fingers lily-white,
(Binnorie, O Binnorie!)
The jewel-rings were shining bright,
By the bonny mill-dams o’ Binnorie.
And by there cam’ a harper fine,
(Binnorie, O Binnorie!)
Harpèd to nobles when they dine,
By the bonny mill-dams o’ Binnorie.
And when he looked that lady on,
(Binnorie, O Binnorie!)
He sigh’d and made a heavy moan,
By the bonny mill-dams o’ Binnorie.
He’s ta’en three locks o’ her yellow hair,
(Binnorie, O Binnorie!)
And wi’ them strung his harp sae rare,
By the bonny mill-dams o’ Binnorie.
He went into her father’s hall,
(Binnorie, O Binnorie!)
And played his harp before them all,
By the bonny mill-dams o’ Binnorie.
And sune the harp sang loud and clear,
(Binnorie, O Binnorie!)
`Fareweel, my father and mither dear!’
By the bonny mill-dams o’ Binnorie.
And neist when the harp began to sing,
(Binnorie, O Binnorie!)
‘Twas ‘Fareweel, sweetheart!’ said the string,
By the bonny mill-dams o’ Binnorie.
And then as plain as plain could be,
(Binnorie, O Binnorie!)
‘There sits my sister wha drownèd me!
By the bonny mill-dams o’ Binnorie.’
(Anonymous Americas)
More Poetry from Anonymous Americas:
Anonymous Americas Poems based on Topics: Love, Fairness, Cry, Morning, Fathers, Sons, Hair, Sisters, Romantic Love- The Ancient Banner (Anonymous Americas Poems)
- Tam Lin (Anonymous Americas Poems)
- Oh! He's Nothing But A Soldier (Anonymous Americas Poems)
- The Vulture (Parody of Poe's "Raven") (Anonymous Americas Poems)
- The Football Match (Anonymous Americas Poems)
- The Red Zouave (Anonymous Americas Poems)
Readers Who Like This Poem Also Like:
Based on Topics: Love Poems, Fairness Poems, Cry Poems, Sons Poems, Morning Poems, Fathers Poems, Hair Poems, Romantic Love Poems, Sisters PoemsBased on Keywords: swimmin, neist, lily-white, bra, gouden, mill-dam
- The Song Of Hiawatha XII: The Son Of The Evening Star (Henry Wadsworth Longfellow Poems)
- Afternoon At A Parsonage (Jean Ingelow Poems)
- Poems - Written On The Deaths Of Three Lovely Children (Jean Ingelow Poems)
- The Passion Of Dido For Aeneas (John Denham Poems)
- The Pastoral, Or Lyric Muse Of Scotland. Canto First (Hector MacNeill Poems)