THE wind may blaw the lee-gang way
And aye the lift be mirk an’ gray,
An deep the moss and steigh the brae
Where a’ maun gang –
There’s still an hoor in ilka day
For luve and sang.
And canty hearts are strangely steeled.
By some dikeside they’ll find a bield,
Some couthy neuk by muir or field
They’re sure to hit,
Where, frae the blatherin’ wind concealed,
They’ll rest a bit.
An’ weel for them if kindly fate
Send ower the hills to them a mate;
They’ll crack a while o’ kirk an’ State,
O’ yowes an’ rain:
An’ when it’s time to take the gate,
Tak’ ilk his ain.
– Sic neuk beside the southern sea
I soucht – sic place o’ quiet lee
Frae a’ the winds o’ life. To me,
Fate, rarely fair,
Had set a freendly company
To meet me there.
Kindly by them they gart me sit,
An’ blythe was I to bide a bit.
Licht as o’ some hame fireside lit
My life for me.
– Ower early maun I rise an’ quit
This happy lee.
(Robert Louis Stevenson)
More Poetry from Robert Louis Stevenson:
Robert Louis Stevenson Poems based on Topics: Life, Fairness, Fate & Destiny- After Reading Antony and Cleopatra (Robert Louis Stevenson Poems)
- Ad Olum (Robert Louis Stevenson Poems)
- Bed in Summer (Robert Louis Stevenson Poems)
- Early In The Morning I Hear On Your Piano (Robert Louis Stevenson Poems)
- God Gave To Me A Child In Part (Robert Louis Stevenson Poems)
- I WHo All The Winter Through (Robert Louis Stevenson Poems)
Readers Who Like This Poem Also Like:
Based on Topics: Life Poems, Fairness Poems, Fate & Destiny PoemsBased on Keywords: brae, licht, ower, gart, luve, muir, canty, hoor, bield, neuk, yowes
- The Hind And The Panther, A Poem In Three Parts : Part I. (John Henry Dryden Poems)
- The Tragedy of White Injustice (Marcus Mosiah Garvey Poems)
- Resignation Pt 1 (Edward Young Poems)
- The Minstrel; Or, The Progress Of Genius : Book I. (James Beattie Poems)
- A Poem On The African Slave Trade. Addressed To Her Own Sex. Part II (Mary Birkett Card Poems)