A lang-backit, spilgie, fuistit auld carl
Gangs a’ nicht rakin athort the warl
Wi’ a pock on his back, luikin hungry an’ lean,
His crook-fingert han’ aye followin his e’en:
He gathers up a’thing that canna but fa’—
Intil his bag wi’ ‘t, an’ on, an’ awa!
Soot an’ snaw! soot an’ snaw!—
Intil his bag wi’ ‘t, an’ on, an’ awa!
But whan he comes to the wa’ o’ the warl,
Spangs up it, like lang-leggit spidder, the carl;
Up gangs his pock wi’ him, humpit ahin,
For naething fa’s oot ‘at ance he pat in;
Syne he warstles doon ootside the flamin wa’,
His bag ‘maist the deith o’ him, pangt like a ba’;
Soot an’ snaw! soot an’ snaw!
His bag ‘maist throttlin him, pangt like a ba’!
Doon he draps weary upon a laigh rock,
Flingin aside him his muckle-mou’d pock:
An’ there he sits, his heid in his han’,
Like a broken-hertit, despairin man;
Him air his pock no bonny, na, na!
Him an’ his pock an ugsome twa!
Soot an’ snaw! soot an’ snaw!
Him an’ his pock an ugsome twa!
But sune ‘s the first ray o’ the sunshine bare
Lichts on the carl, what see ye there?
An angel set on eternity’s brink,
Wi’ e’en to gar the sun himsel blink;
By his side a glintin, glimmerin urn,
Furth frae wha’s mou rins a liltin burn:—
Soot an’ snaw! soot an’ snaw!
The dirt o’ the warl rins in glory awa!
(George MacDonald)
More Poetry from George MacDonald:
George MacDonald Poems based on Topics: Man, Success, Eternity, Angels- Somnium Mystici (George MacDonald Poems)
- A Story of the Sea-Shore (George MacDonald Poems)
- The Disciple (George MacDonald Poems)
- Light (George MacDonald Poems)
- Concerning Jesus (George MacDonald Poems)
- A Manchester Poem (George MacDonald Poems)
Readers Who Like This Poem Also Like:
Based on Topics: Man Poems, Success Poems, Angels Poems, Eternity PoemsBased on Keywords: himsel, heid, flamin, intil, rins, sune, whan, warl, laigh, furth, mou
- Book III - Part 03 - The Soul is Mortal (Lucretius Poems)
- The Golden Legend: VI. The School Of Salerno (Henry Wadsworth Longfellow Poems)
- Of The Nature Of Things: Book II - Part 03 - Atomic Forms And Their Combinations (Lucretius Poems)
- The Celt's Paradise. Third Duan (John Banim Poems)
- Of The Nature Of Things: Book V - Part 04 - Formation Of The World (Lucretius Poems)