There were twa dows, upon a day,
Made wise by want, fatigu’d wi’ play,
Sat in a dooket;
The grund was cover’d o’er wi’ snaw,
Nae grains o’ rye or wheat they saw
AS out they looket.
O brither pigeon! says the tane,
I envy a’ the sons o’ men,
They are sae canty,
The cozy room, wi’ carpet laid,
The press nae toom, the bed weel made,
An’ naething scanty.
Ye silly thing, the ither cries,
“Ye’re graining temper I despise,
AS weel as pity;
What would the King o’ Britain gee
To be as weel as you or me,
A London city?
For a’ the waes that he has felt,
The half o’ them has no been telt,
They’ve weel been hided ;
When spring returns, this little throat
Shall bill in many a plaintive note
How he’s been guided.
But yet he has a trusty friend,
Wha’s steady mind will never bend,
Frae strictest duty;
An’ heaven knows he has a son,
Wha to the very de’il would run
For female beauty.
But, canny lad, we a’ may bless him,
For you and I would surely miss him,
He’s been sae good ;
He’s sent as muckle siller there,
Might had us picking half a year,
The best o’ food.
Then envy not the rich an’ great;
You’r better in your present state,
Though but a dow;
For they hae griefs ye dinna ken,
An’ aft these noble creatures men
Do envy you.
(Rebekah Carmichael)
More Poetry from Rebekah Carmichael:
Rebekah Carmichael Poems based on Topics: Man, Cry, Friendship, Sons, Cities, Beauty, Food, Kings & Queens, Money & Wealth, Duty- A Romantic Scene (Rebekah Carmichael Poems)
- The Ill-Fated Lover (Rebekah Carmichael Poems)
- A Tale (Rebekah Carmichael Poems)
- Written In The Hermitage At Braid (Rebekah Carmichael Poems)
- A Song - I (Rebekah Carmichael Poems)
- The Love-Lorn Maid (Rebekah Carmichael Poems)
Readers Who Like This Poem Also Like:
Based on Topics: Man Poems, Friendship Poems, Cry Poems, Kings & Queens Poems, Beauty Poems, Money & Wealth Poems, Sons Poems, Cities Poems, Food Poems, Duty PoemsBased on Keywords: waes, toom, fatigu, grund, looket, telt, graining, dows, hided
- Belphegor Addressed To Miss De Chammelay (Jean de La Fontaine Poems)
- The Pastoral, Or Lyric Muse Of Scotland. Canto Second (Hector MacNeill Poems)
- An Oriental Apologue (James Russell Lowell Poems)
- 'Look at The Clock!' : Patty Morgan The Milkmaid's Story (Richard Harris Barham Poems)
- Rachel (John Lawson Stoddard Poems)