In Roslin’s bowers bloom fragrant flowers,
On Yarrow’s banks they’re mony;
Whar Kirtle flows ance stately rose
The sweetest flower o’ ony!
I’ve travelled east, I’ve travelled west,
I’ve been ‘mang groves o’ myrtle;
Tho’ flowers bloomed fair, nane could compare
Wi’ the sweet Rose o’ Kirtle.
In secret glade it raised its head,
And fair its leaves spread blooming!
And as they spread, they fragrance shed
A’ Kirtle’s banks perfuming!
Lured by its fame, the young anes came
(Some came frae west the Shannon)
And ilk ane swore, nae flower before
Bloomed like the rose o’ Annan.–
But wise anes knew a death-worm grew
Deep at its roots consuming;
And while they sigh’d, they mournfu’ cried,
‘The rose will fade that’s blooming!’
‘Twas then Fate said, ‘frae native glade
We’ll pu’ the pride o’ Kirtle;
In warmer bower we’ll plant the flower,
And skreen it round wi’ myrtle.’
Sae, Fate updrew the flower, and flew
Where Mersey’s stream runs flowing;
There, skreen’d frae harm, they plant it warm,
For there love’s beams were glowing!
Fair, fair it spread! and gratefu’ shed
Its healing balms, sweet smelling!
And as they flew, affliction knew
Blest health was near his dwelling.
Oh! had ye been where I hae seen
This rose ‘mang myrtles blooming,
Ye wad hae sworn nae canker worm
Was fast its roots consuming :–
But, welladay! looks will betray!
And death love’s joys will sever!
Ere midnight hour, death nipt the flower!
Its sweets are — gane for ever!
Ye, wha can smile at Life’s fause guile,
While health’s warm sun shines beamy,
Learn, that the flower o’ Mersey’s bower
Was Lucy’s peerless Jemmie;
And ye wha mourn at Currie’s urn,
Or weep by Mersey’s river,
Learn, that the rose that virtue blows,
Though dead, will — bloom for ever.
(Hector MacNeill)
More Poetry from Hector MacNeill:
Hector MacNeill Poems based on Topics: Youth, Fairness, Cry, Life, Pride, Fate & Destiny, Death & Dying, Fame, Secrets, Health, Flowers- The Waes O' War : Or The Upshot Of The History O' Will And Jean. In Four Parts (Hector MacNeill Poems)
- The Pastoral, Or Lyric Muse Of Scotland. Canto Second (Hector MacNeill Poems)
- The Links O' Forth : Or, A Parting Peep At The Carse O' Sterling (Hector MacNeill Poems)
- The Pastoral, Or Lyric Muse Of Scotland. Canto First (Hector MacNeill Poems)
- The Scottish Muse (Hector MacNeill Poems)
- Scotland's Scaith, Or, The History O' Will And Jean. Owre True A Tale. In Two Parts (Hector MacNeill Poems)
Readers Who Like This Poem Also Like:
Based on Topics: Life Poems, Death & Dying Poems, Youth Poems, Fairness Poems, Flowers Poems, Cry Poems, Fate & Destiny Poems, Education Poems, Pride Poems, Fame Poems, Secrets PoemsBased on Keywords: nipt, shannon, mersey, skreen, welladay, gratefu, mournfu, anes, roslin, annan, death-worm
- One Day And Another: A Lyrical Eclogue - Part I (Madison Julius Cawein Poems)
- May-Day (Ralph Waldo Emerson Poems)
- The Old Sheperd's Recollections (Matilda Betham Poems)
- The Golden Legend: VI. The School Of Salerno (Henry Wadsworth Longfellow Poems)
- The Art Of Preserving Health. Book IV (John Armstrong Poems)