The auld folks sit by the fire,
When the winter nichts are chill;
The auld wife she plies her wire,
The auld man he quaffs his yill.
An’ meikle an’ lang they speak
O’ their youthfu’ days gane by,
When the rose it was on the cheek,
And the pearl was on the eye!
They talk o’ their bairnies’ bairns,
They talk o’ the brave an’ free,
They talk o’ their mountain-cairns,
And they talk of the rolling sea.-
And meikle an’ lang they speak
0′ their youthfu’ days gane by,
When the rose it was on the cheek,
An’ the pearl was on the eye!
They talk o’ their friends lang gane,
And the tear-draps blin’ their e’e;
They talk o’ the cauld kirk-stane
Whare sune they baith maun be.
Yet each has had their half
0′ the joys o’ this fitful sphere,
So whiles the auld folk laugh,
And whiles they drap a tear!
(Andrew Park)
More Poetry from Andrew Park:
Andrew Park Poems based on Topics: Joy & Excitement, Courage, Laughter, Fire, Winter- Silent Love (Andrew Park Poems)
- Hurra For The Highlands (Andrew Park Poems)
- Flowers Of Summer (Andrew Park Poems)
Readers Who Like This Poem Also Like:
Based on Topics: Joy & Excitement Poems, Fire Poems, Courage Poems, Winter Poems, Laughter PoemsBased on Keywords: quaffs, sune, nichts, blin, bairnies, drap, youthfu, yill, tear-draps