It’s little I can tell o’ classic things,
Homer an Dante strangers are to me,
That Troy an Tyre wis places ower the sea
Is a’ I ken. Sae when my thochts tak wings
Abune mysel, my husky voice but sings
O this an that aroon’ aboot the Raw,
Maist o the lassies–Heeven bless them aa–
An, dod, it’s little praise my liltin brings.
Still I will try, wha kens but I may soar,
Surpassin a’ my learnin an my ert,
In ae wee sang o her that keeps my hert–
I’ve heard o Love daein things like that afore.
Dod, ay, an mony a yin has clamb to fame
Wi twa bit verses linkit to his name.
(Joseph Corrie)
More Poetry from Joseph Corrie:
Joseph Corrie Poems based on Topics: Name- 'Miners Wives' (Joseph Corrie Poems)
- In Hunter's Bar (Joseph Corrie Poems)
- The Image O' God (Joseph Corrie Poems)
- I Am The Common Man (Joseph Corrie Poems)
- Scottish Pride (Joseph Corrie Poems)
- God! How I've Wearied For The Spring (Joseph Corrie Poems)
Readers Who Like This Poem Also Like:
Based on Topics: Name PoemsBased on Keywords: learnin, liltin, yin, thochts, clamb, aroon, daein, linkit, dod, surpassin