She’s an awfu’ lassie, Jenny,
No’ her like in a’ the toon,
For her heid is fu’ o’ mischief,
And her hair is hingin’ doon.
What a faught maun ha’e her mither
Frae the mornin’ till the nicht,
But she’s awfu’ like her granny,
An’ that pits wee Jenny richt.
I ha’e tried to coort wee Jenny
But she’ll no’ ha’e me ava’,
She wad raither ha’e a penny
To buy sweeties or a ba’,
When I speak o’ oor sweetheartin’,
Just as lown as lown can be,
Wad ye think it for a moment?
She pits oot her tongue at me.
She’s an awfu’ lassie Jenny,
Yet a denty, bonnie quean,
An’ there’s licht, an’ love, an’ lauchter
A’ at ance within her een.
Yet I ken fu’ weel her mither
Maun get mony an unco fricht,
But she’s awfu’ like her granny
An’ that pits wee Jenny richt.
(Alexander Anderson)
More Poetry from Alexander Anderson:
Alexander Anderson Poems based on Topics: Love, Hair- A Walk To Pamphy Linns (Alexander Anderson Poems)
- The Landlord's Best (Alexander Anderson Poems)
- Cameron's Stone (Alexander Anderson Poems)
- Alexis (Alexander Anderson Poems)
- The Two Angels (Alexander Anderson Poems)
- Books (Alexander Anderson Poems)
Readers Who Like This Poem Also Like:
Based on Topics: Love Poems, Hair PoemsBased on Keywords: awfu, oot, licht, hingin, ava, heid, toon, mither, richt, oor, granny