Here’s wee Tam aside the fire,
Soun’ as soun’ can be,
Tangs across his wee fat legs,
Heid upon his knee.
Wauken, Tam; you’ll burn your croon—
Canna hear what’s said—
Mammy’s unco wearit wean—
Pit him to his bed.
Come his wa’s on mammy’s knee—
What a heavy lump—
Claes a’ wat wi’ makin’ dams
Roun’ aboot the pump;
Glaur frae very heid to fit
Wi’ rinnin’, micht an’ main,
Efter coudlin’ paper boats
Sailin’ doon the drain.
Pit his buits upon the stule,
See they’re through the taes,
Hing his stockin’s owre the swey,
But dinna heed his claes.
I maun wash this very nicht—
Od, the dirty loon,
I wad skelp his doup if he
Werena sleepin’ soun’.
Here’s a naked man at last
Ready for a scrub,
A’ owre frae the heid to fit—
Bring the washing tub.
There noo he’s as ticht an’ clean
As ony could desire,
Rin an’ fetch his red nicht goon,
An’ heat it at the fire.
Wauken, Tam, an’ say your prayer—
See, he screws his face,
Mummles, “Now I lay me down—
I beat big Jock a race.”
Losh me, what is this I hear
Frae the heathen limb?
But askin’ sic a plague to pray
Makes me waur than him.
Spread the blankets doon, I say,
An’ wheel the chair aboot,
Here I’m comin’ wi’ a man
Fairly fochten oot.
There he’s in amang the claes,
Ye scarce can see his croon;
Mammy’s unco wearit wean
Cuddles safe an’ soun’.
(Alexander Anderson)
More Poetry from Alexander Anderson:
Alexander Anderson Poems based on Topics: Man, Faces, Fire, Desire- A Walk To Pamphy Linns (Alexander Anderson Poems)
- The Landlord's Best (Alexander Anderson Poems)
- Cameron's Stone (Alexander Anderson Poems)
- Alexis (Alexander Anderson Poems)
- The Two Angels (Alexander Anderson Poems)
- Daft Ailie (Alexander Anderson Poems)
Readers Who Like This Poem Also Like:
Based on Topics: Man Poems, Faces Poems, Fire Poems, Desire PoemsBased on Keywords: dams, claes, screws, down-, hing, micht, losh, efter, waur, sailin, stockin
- The Vision Of Piers Plowman - Part 14 (William Langland Poems)
- Alma; or, The Progress of the Mind. In Three Cantos. - Canto I. (Matthew Prior Poems)
- Convict Once - Part Second. (James Brunton Stephens Poems)
- Hermann And Dorothea - IX. Urania (Johann Wolfgang von Goethe Poems)
- The Believer's Espousals : Chapter I. (Ralph Erskine Poems)