AIR–_”Johnnie’s Gray Breeks.”_
Jenny’s heart was frank and free,
And wooers she had mony, yet
The sang was aye, “Of a’ I see,
Commend me to my Johnnie yet.
For ear’ and late, he has sic gate
To mak’ a body cheerie, that
I wish to be, before I dee,
His ain kind dearie yet.”
Now Jenny’s face was fu’ o’ grace,
Her shape was sma’ and genty-like,
And few or nane in a’ the place,
Had gowd or gear mair plenty, yet
Though war’s alarms, and Johnnie’s charms,
Had gart her oft look eerie, yet
She sung wi’ glee, “I hope to be
My Johnnie’s ain dearie yet.
“What though he’s now gane far awa’,
Whare guns and cannons rattle, yet
Unless my Johnnie chance to fa’
In some uncanny battle, yet
Till he return my breast will burn
Wi’ love that weel may cheer me yet,
For I hope to see, before I dee,
His bairns to him endear me yet.”
(John Mayne)
More Poetry from John Mayne:
John Mayne Poems based on Topics: War & Peace, Body, Faces, Place- Helen Of Kirkconnel (John Mayne Poems)
- English, Scots, And Irishmen (John Mayne Poems)
- The Troops Were Embarked (John Mayne Poems)
- Mary Marton (John Mayne Poems)
- Rosabell (John Mayne Poems)
- The Winter Sat Lang (John Mayne Poems)
Readers Who Like This Poem Also Like:
Based on Topics: War & Peace Poems, Faces Poems, Place Poems, Body PoemsBased on Keywords: wooers, breeks, cheerie