The stars are steady abune;
I’ the water they flichter and flee;
But, steady aye, luikin doon
They ken theirsels i’ the sea.
A’ licht, and clear, and free,
God, thou shinest abune;
Yet luik, and see thysel in me,
Aye on me luikin doon.
^ ^ ^ ^ ^
Throu the heather an’ how gaed the creepin thing,
But abune was the waff o’ an angel’s wing.
^ ^ ^ ^ ^
Hither an’ thither, here an’ awa,
Into the dub ye maunna fa’;
Oot o’ the dub wad ye come wi’ speed,
Ye maun lift yer han’s abune yer heid.
^ ^ ^ ^ ^
Whaur’s nor sun nor mune,
Laigh things come abune.
*
My thouchts are like worms in a starless gloamin
My hert’s like a sponge that’s fillit wi’ gall;
My soul’s like a bodiless ghaist sent a roamin
I’ the haar an’ the mirk till the trumpet call.
Lord, turn ilk worm til a butterflee,
Wring oot my hert, an’ fill ‘t frae thy ain;
My soul syne in patience its weird will dree,
An’ luik for the mornin throu the rain.
(George MacDonald)
More Poetry from George MacDonald:
George MacDonald Poems based on Topics: God, Water, Angels, Patience- Somnium Mystici (George MacDonald Poems)
- A Story of the Sea-Shore (George MacDonald Poems)
- The Disciple (George MacDonald Poems)
- A Book of Dreams: Part II (George MacDonald Poems)
- A Book Of Strife In The Form Of The Diary Of An Old Soul - October (George MacDonald Poems)
- A Book Of Strife In The Form Of The Diary Of An Old Soul - January (George MacDonald Poems)
Readers Who Like This Poem Also Like:
Based on Topics: God Poems, Water Poems, Angels Poems, Patience PoemsBased on Keywords: whaur, dub, hert, oot, shinest, dree, throu, laigh, heid, bodiless, ghaist