TUNE–_”Bonnie Dundee.”_
“Oh, saw ye my wee thing? saw ye my ain thing?
Saw ye my true love, down on yon lee?
Cross’d she the meadow yestreen at the gloamin’?
Sought she the burnie whare flow’rs the haw-tree?
Her hair it is lint-white; her skin it is milk-white;
Dark is the blue o’ her saft rolling e’e;
Red, red her ripe lips, and sweeter than roses:
Whare could my wee thing wander frae me?”
“I saw na your wee thing, I saw na your ain thing,
Nor saw I your true love, down on yon lea;
But I met my bonnie thing, late in the gloamin’,
Down by the burnie whare flow’rs the haw-tree.
Her hair it was lint-white; her skin it was milk-white;
Dark was the blue o’ her saft rolling e’e;
Red were her ripe lips, and sweeter than roses:
Sweet were the kisses that she ga’e to me!”
“It was na my wee thing, it was na my ain thing,
It was na my true love, ye met by the tree:
Proud is her leal heart–modest her nature;
She never lo’ed ony till ance she lo’ed me.
Her name it is Mary; she ‘s frae Castlecary;
Aft has she sat, when a bairn, on my knee;–
Fair as your face is, were ‘t fifty times fairer,
Young bragger, she ne’er would gi’e kisses to thee.”
“It was, then, your Mary; she ‘s frae Castlecary;
It was, then, your true love I met by the tree;–
Proud as her heart is, and modest her nature,
Sweet were the kisses that she ga’e to me.”
Sair gloom’d his dark brow, blood-red his cheek grew;
Wild flash’d the fire frae his red rolling e’e–
“Ye ‘s rue sair, this morning, your boasts and your scorning;
Defend, ye fause traitor! fu’ loudly ye lie.”
“Awa’ wi’ beguiling,” cried the youth, smiling;–
Aff went the bonnet; the lint-white locks flee;
The belted plaid fa’ing, her white bosom shawing–
Fair stood the lo’ed maid wi’ the dark rolling e’e.
“Is it my wee thing? is it mine ain thing?
Is it my true love here that I see?”
“Oh, Jamie, forgi’e me! your heart ‘s constant to me;
I ‘ll never mair wander, dear laddie, frae thee!”
(Hector MacNeill)
More Poetry from Hector MacNeill:
Hector MacNeill Poems based on Topics: Smiling, Love, Fairness, Youth, Fire, Nature, Morning, Kiss- The Waes O' War : Or The Upshot Of The History O' Will And Jean. In Four Parts (Hector MacNeill Poems)
- The Pastoral, Or Lyric Muse Of Scotland. Canto Second (Hector MacNeill Poems)
- The Links O' Forth : Or, A Parting Peep At The Carse O' Sterling (Hector MacNeill Poems)
- The Pastoral, Or Lyric Muse Of Scotland. Canto First (Hector MacNeill Poems)
- The Scottish Muse (Hector MacNeill Poems)
- Scotland's Scaith, Or, The History O' Will And Jean. Owre True A Tale. In Two Parts (Hector MacNeill Poems)
Readers Who Like This Poem Also Like:
Based on Topics: Love Poems, Nature Poems, Youth Poems, Fairness Poems, Fire Poems, Smiling Poems, Morning Poems, Kiss PoemsBased on Keywords: tune-, forgi, lint-white, bragger, shawing
- The Helot (Isabella Valancy Crawford Poems)
- The Believer's Soliloquy; Especially in Times of Desertion, Temptation, Affliction (Ralph Erskine Poems)
- The School-Boy (Oliver Wendell Holmes Poems)
- The School Of The Heart. Lesson The First (Henry Alford Poems)
- The Three Gossips' Wager (Jean de La Fontaine Poems)