‘O Listen! listen and I’ll tell ye
How this fair maid’s play’d her part :–
First she vow’d and promis’d to me,
Now she strives to break my heart!’
Eirin O! Mally Aiken,
Eirin O s’dhu me roon.
I coft you silken garters, Mally,
And sleeve-knots for your tartan gown;
I coft you a green necklace, Mally,
To busk you whan you gade to town:
You gae me kisses sweet as hinny!
You gae me words mair sweet than true;
You swore you loo’d me best o’ ony;
— Ah! why than Mally break your vow!
Eirin O! Mally Aiken,
Eirin O s’dhu ma roon.
Yon auld man came wi’ wyles sae bonie,
He bragg’d o’ land and walth o’ gear;
He promis’d braws mair fine than Johnie
To busk ye for the kick and fair;
He gae up tocher to your daddy;–
Your mither sigh’d and thought o’ me;
But Mally wish’d to be a lady,
And chang’d true luve for — high degree!
Eirin O! Mally Aiken,
Eirin O s’dhu ma roon.
He’s ta’en you hame; he’s made you gawdie,
He’s busked you for the kirk and fair;
But you had better ta’en your laddie,
For happiness you’ll ne’er see mair!
You may gang to kirk and fair, my Mally;
Your face and braws catch ilka ee,–
But happiness you’ll ne’er see, Mally,
For breaking o’ your vows to me!
Eirin O! Mally Aiken,
Eirin O s’dhu ma roon.
(Hector MacNeill)
More Poetry from Hector MacNeill:
Hector MacNeill Poems based on Topics: Fairness, Listening- The Waes O' War : Or The Upshot Of The History O' Will And Jean. In Four Parts (Hector MacNeill Poems)
- The Pastoral, Or Lyric Muse Of Scotland. Canto Second (Hector MacNeill Poems)
- The Links O' Forth : Or, A Parting Peep At The Carse O' Sterling (Hector MacNeill Poems)
- The Pastoral, Or Lyric Muse Of Scotland. Canto First (Hector MacNeill Poems)
- The Scottish Muse (Hector MacNeill Poems)
- Scotland's Scaith, Or, The History O' Will And Jean. Owre True A Tale. In Two Parts (Hector MacNeill Poems)
Readers Who Like This Poem Also Like:
Based on Topics: Fairness Poems, Listening PoemsBased on Keywords: garters, johnie, busk, roon, tocher, dhu, walth, aiken, coft, hinny, busked