By Logan’s streams, that rin sae deep,
Fu’ aft wi’ glee I’ve herded sheep,
I’ve herded sheep, or gather’d slaes,
Wi’ my dear lad, on Logan braes.
But, waes my heart! thae days are gane,
And I wi’ grief may herd alane;
While my dear lad maun face his faes,
Far, far frae me and Logan braes.
Nae mair at Logan kirk will he
Atween the preachings meet wi’ me,
Meet wi’ me, or, whan it’s mirk,
Convoy me hame frae Logan kirk.
I weel may sing thae days are gane–
Frae kirk and fair I come alane,
While my dear lad maun face his faes,
Far, far frae me and Logan braes.
At e’en, when hope amaist is gane,
I daunder dowie and forlane;
I sit alane, beneath the tree
Where aft he kept his tryste wi’ me.
Oh, could I see thae days again,
My lover skaithless, and my ain!
Beloved by friends, revered by faes,
We’d live in bliss on Logan braes.
(John Mayne)
More Poetry from John Mayne:
John Mayne Poems based on Topics: Friendship, Happiness, Grief, Nature- Helen Of Kirkconnel (John Mayne Poems)
- English, Scots, And Irishmen (John Mayne Poems)
- The Troops Were Embarked (John Mayne Poems)
- Mary Marton (John Mayne Poems)
- Rosabell (John Mayne Poems)
- The Winter Sat Lang (John Mayne Poems)
Readers Who Like This Poem Also Like:
Based on Topics: Nature Poems, Friendship Poems, Happiness Poems, Grief PoemsBased on Keywords: logan, waes, convoy, dowie, faes, amaist, preachings, daunder, slaes, skaithless, tryste