Langsyne, when life was bonnie,
An’ a’ the skies were blue,
When ilka thocht took blossom,
An’ hung its head wi’ dew,
When winter wasna winter,
Though snaws cam’ happin’ doon;
Langsyne, when life was bonnie,
Spring gaed a twalmonth roun’.
Langsyne, when life was bonnie,
An’ a’ the days were lang,
When through them ran the music
That comes to us in sang,
We never wearied liltin’
The auld love-laden tune;
Langsyne, when life was bonnie
Love gaed a twalmonth roun’.
Langsyne, when life was bonnie,
An’ a’ the warld was fair,
The leaves were green wi’ simmer,
For autumn wasna there.
But listen hoo they rustle,
Wi’ an eerie, weary soun’,
For noo, alas, ’tis winter
That gangs a twalmonth roun’.
(Alexander Anderson)
More Poetry from Alexander Anderson:
Alexander Anderson Poems based on Topics: Life, Love, Music, Fairness, Spring, Winter- A Walk To Pamphy Linns (Alexander Anderson Poems)
- The Landlord's Best (Alexander Anderson Poems)
- Cameron's Stone (Alexander Anderson Poems)
- Alexis (Alexander Anderson Poems)
- The Two Angels (Alexander Anderson Poems)
- Daft Ailie (Alexander Anderson Poems)
Readers Who Like This Poem Also Like:
Based on Topics: Love Poems, Life Poems, Fairness Poems, Spring Poems, Music Poems, Winter PoemsBased on Keywords: hoo, wasna, soun, gangs, thocht, warld, langsyne, liltin, snaws, love-laden, happin