na jao hal-e-dil-e-zar dekhte jao
k ji na chahe to na char dekhte jao
bahar-e-umr main bag-e-jahan k sair karo
khila hua hai ye gulzar dekhte jao
utho ankh na sharmao ye to mahfil hai
gazab se janib-e-agayar dekhte jao
hua hai kya abhi hangama abhi kuch hoga
fugan main hashr k asar dekhte jao
tumhari ankh mere dil se besabab-bevajah
hui hai larane ko tayyar dekhte jao
na jao band kye ankh raharavan-e-adam
idhar-udhar bhi khabaradar dekhte jao
koi na koi har ik sher main hai bat zarur
janab-e-“Dag” k ashar dekhte jao
(Daagh Dehlvi)
More Poetry from Daagh Dehlvi:
- Ghazal 2 ( With English Translation ) (Daagh Dehlvi Poems)
- Ghazal 1 (With English Tranlation) (Daagh Dehlvi Poems)
- Ghazal 5 (Daagh Dehlvi Poems)
- Ghazal 13 (Daagh Dehlvi Poems)
- Ghazal 4 (Daagh Dehlvi Poems)
- ghazal 7 (Daagh Dehlvi Poems)