CA’ the yowes to the knowes,
Ca’ them where the heather grows,
Ca’ them where the burnie rows,
My bonnie dearie.
As I gaed down the water side,
There I met my shepherd lad;
He row’d me sweetly in his plaid,
And he ca’d me his dearie.
‘Will ye gang down the water side,
And see the waves sae sweetly glide
Beneath the hazels spreading wide?
The moon it shines fu’ clearly.’
‘I was bred up at nae sic school,
My shepherd lad, to play the fool,
And a’ the day to sit in dool,
And naebody to see me.’
‘Ye sall get gowns and ribbons meet,
Cauf-leather shoon upon your feet,
And in my arms ye’se lie and sleep,
And ye sall be my dearie.’
‘If ye’ll but stand to what ye’ve said,
I’se gang wi’ you, my shepherd lad,
And ye may row me in your plaid,
And I sall be your dearie.’
‘While waters wimple to the sea,
While day blinks in the lift sae hie,
Till clay-cauld death sall blin’ my e’e,
Ye aye sall be my dearie!’
(Isobel Pagan)
More Poetry from Isobel Pagan:
Readers Who Like This Poem Also Like:
Based on Topics: Sleep Poems, Education Poems, Water Poems, Fool PoemsBased on Keywords: wimple, burnie, dool, blin, naebody, yowes, clay-cauld, cauf-leather
- Alma; or, The Progress of the Mind. In Three Cantos. - Canto I. (Matthew Prior Poems)
- The Merchant of Venice,: A Legend of Italy (Richard Harris Barham Poems)
- Convict Once - Part Second. (James Brunton Stephens Poems)
- Christ's Triumph after Death : Canto IV. Christ's Victory and Triumph (Giles Fletcher Jr Poems)
- Astraea: The Balance Of Illusions (Oliver Wendell Holmes Poems)