HYD, Absolon, thy gilte tresses clere;
Ester, ley thou thy meknesse al a-doun;
Hyd, Jonathas, al thy frendly manere;
Penalopee, and Marcia Catoun,
Mak of your wyfhod no comparisoun;
Hyde ye your beautes, Isoude and Eleyne;
My lady cometh, that al this may disteyne.
Thy faire body, lat hit nat appere,
Lavyne; and thou, Lucresse of Rome toun,
And Polixene, that boghten love so dere,
And Cleopatre, with al thy passioun,
Hyde ye your trouthe of love and your renoun;
And thou, Tisbe, that hast of love swich peyne;
My lady cometh, that al this may disteyne.
Herro, Dido, Laudomia, alle y-fere,
And Phyllis, hanging for thy Demophoun,
And Canace, espyed by thy chere,
Ysiphile, betraysed with Jasoun,
Maketh of your trouthe neyther boost ne soun;
Nor Ypermistre or Adriane, ye tweyne;
My lady cometh, that al this may distevne.
(Geoffrey Chaucer)
More Poetry from Geoffrey Chaucer:
Geoffrey Chaucer Poems based on Topics: Love, Body- Complaint unto Pity, The (Geoffrey Chaucer Poems)
- Complaint of Chaucer to his Purse, The (Geoffrey Chaucer Poems)
- A Balade of Complaint (Geoffrey Chaucer Poems)
- Chaucers Wordes unto Adam (Geoffrey Chaucer Poems)
- Anelida and Arcite (Geoffrey Chaucer Poems)
- The Canterbury Tales; CHAUCER'S TALE OF SIR THOPAS (Geoffrey Chaucer Poems)
Readers Who Like This Poem Also Like:
Based on Topics: Love Poems, Body PoemsBased on Keywords: phyllis, dere, lat, toun, swich, peyne, clere, hyde, nat, dido, chere