Auld Johnnie Noddle sleeps through a’ the day,
Sleeps until the sun gangs doon an’ a’ the licht away;
Then he waukens up an’ niddles up an’ doon,
On his heid a great big hat wi’ a lang croon.
When a wean begins to nod an’ spurls wi’ legs an’ han’s
Auld Johnnie Noddle at the window stan’s,
Pits his face against the peen to see what he can see,
For Auld Johnnie Noddle—a queer man is he.
Auld Johnnie Noddle do ye no’ think shame?
Stan’in’ glowrin’ in at weans when ye should be at hame,
Weel I ken what mak’s ye wear sic a lang, lang croon—
It’s to pit the weans in that winna sleep fu’ soun’.
Auld Johnnie Noddle gang awa’ this nicht,
Twenty bairns are waur than mine—gie them a’ a fricht;
If a wean, an’ I ha’e ane lyin’ on my knee,
Tries wi’ a’ his micht to sleep, ye should let him be.
Auld Johnnie Noddle—see I draw the blin’,
Sic a face as yours I ken frichts this bairn o’ mine,
Daur ye come aboot the door when the wean is soun’,
Aff will gang your big hat wi’ the lang croon.
(Alexander Anderson)
More Poetry from Alexander Anderson:
Alexander Anderson Poems based on Topics: Man, Faces, Sleep- A Walk To Pamphy Linns (Alexander Anderson Poems)
- The Landlord's Best (Alexander Anderson Poems)
- Cameron's Stone (Alexander Anderson Poems)
- Alexis (Alexander Anderson Poems)
- The Two Angels (Alexander Anderson Poems)
- Books (Alexander Anderson Poems)
Readers Who Like This Poem Also Like:
Based on Topics: Man Poems, Faces Poems, Sleep PoemsBased on Keywords: lyin, johnnie, blin, mine-, waur, gangs, heid, micht, aboot, weans, bairn