Whaur hae ye gotten that glisterin’ ring,
Ower fine to be o’ worth?
“I hae gotten the ring frae a fremit chiel,
O’ gentle speech an’ birth.”
“Wha is it gie ye that Judas kiss
Has brunt your bonny cheek?”
“I hae gotten the kiss whaur I gat the ring,
It wasna far to seek.”
“How hae ye come by that fauter look
Wha’s glint was aye sae proud?”
“Wi’ the weight o’ that fremd chiel’s partin’ gift
My vera soul is bowed.
“His ways were fause as his words were fair,
Siccan oath as he made me,
Sae fleechin’ saft it a’most had wiled
The young leaves frae the tree.
“Wae worth his kiss that brunt my cheek,
Wae worth his ring sae bright,
An’ the load he leaves me to bear my lane
Whiles he fares forth sae light!”
(Emily Pfeiffer)
More Poetry from Emily Pfeiffer:
Emily Pfeiffer Poems based on Topics: Soul, Light, Fairness, Youth, Nature, Kiss, Birth- Quarterman's Grace. Part II (Emily Pfeiffer Poems)
- A Rhyme For The Time (Emily Pfeiffer Poems)
- The Wynnes Of Wynhavod. Act III (Emily Pfeiffer Poems)
- Six Studies In Exotic Forms Of Verse (Emily Pfeiffer Poems)
- A Lost Eden (Emily Pfeiffer Poems)
- The Rhyme Of The Lady Of The Rock. Fitte The Fifth. (Emily Pfeiffer Poems)
Readers Who Like This Poem Also Like:
Based on Topics: Light Poems, Soul Poems, Nature Poems, Youth Poems, Fairness Poems, Kiss Poems, Birth PoemsBased on Keywords: saft, fause, chiel, wasna, whaur, siccan, partin, wiled, fremit, fleechin, fremd