Late in an evening forth I went
A little before the sun gade down,
And there I chanc’t, by accident,
To light on a battle new begun:
A man and his wife wer fawn in a strife,
I canna weel tell ye how it began;
But aye she wail’d her wretched life,
Cryeng, “Evir alake, mine auld goodman!”
He.
“The auld goodman that thou tells of,
The country kens where he was born,
Was but a silly poor vagabond,
And ilka ane leugh him to scorn;
For he did spend and make an end
Of gear ‘his fathers nevir’ wan;
He gart the poor stand frae the door;
Sae tell nae mair of thy auld good-man.”
She.
“My heart, alake! is liken to brake,
Whan I think on my winsome John,
His blinkan ee and gait sae free,
Was naithing like thee, thou dosend drone;
Wi’ his rosie fac and flaxen hair,
And skin as white as ony swan,
He was large and tall, and comely withall;
Thou’lt nevir be like mine auld goodman.”
He.
“Why dost thou plein? I thee maintein;
For meal and mawt thou disna want;
But thy wild bees I canna please
Now whan our gear gins to grow scant.
Of household stuff thou hast enough;
Thou wants for neither pot nor pan;
Of sicklike ware he left thee bare;
Sae tell nae mair of thy auld goodman.”
She.
“Yes, I may tell and fret my sell
To think on those blyth days I had,
Whan I and he together ley
In armes into a well-made bed;
But now I sigh and may be sad,
Thy courage is cauld, thy colour wan,
Thou falds thy feet and fa’s asleep;
Thou’lt nevir be like mine auld goodman.”
Then coming was the night sae dark,
And gane was a’ the light of day;
The carle was fear’d to miss his mark,
And therefore wad nae longer stay.
Then up he gat and ran his way,
I trowe, the wife the day she wan;
And aye the owreword of the fray
Was, “Evir alake! mine auld goodman!”
(Anonymous British)
More Poetry from Anonymous British:
Anonymous British Poems based on Topics: Man, Night, Life, Sadness, Light, War & Peace, Courage, Hair, Countries, Accident- An Excellent Ballad Of George Barnwell, An Apprentice Of London (Anonymous British Poems)
- Poetical Reflections On A Late Poem Entitled Absalom And Achitophel (Anonymous British Poems)
- The Midnight Messenger. or A Sudden Call From An Earthly Glory To The Cold Grave. (Anonymous British Poems)
- The Bride's Burial. To The Tune Of The Lady's Fall (Anonymous British Poems)
- The Spanish Virgin, Or Effects Of Jealousy (Anonymous British Poems)
- The Origin of All-Fool Day, Which Happened In The Isle of Chiekock, On The 7th Of The Ni-ada (Anonymous British Poems)
Readers Who Like This Poem Also Like:
Based on Topics: Man Poems, Life Poems, Night Poems, Light Poems, Sadness Poems, War & Peace Poems, Hair Poems, Courage Poems, Countries Poems, Accident PoemsBased on Keywords: chanc, trowe, fac, liken, gart, rosie, blyth, whan, withall, goodman, flaxen