My mither’s ay glowran o’er me,
Tho she did the same before me,
I canna get leave
To look to my loove,
Or else she’ll be like to devour me.
Right fain wad I take ye’r offer,
Sweet Sir, but I’ll tine my tocher,
Then, Sandy, ye’ll fret,
And wyt ye’r poor Kate,
When e’er ye keek in your toom coffer.
For tho my father has plenty
Of siller and plenishing dainty,
Yet he’s unco sweer
To twin wi’ his gear,
And sae we had need to be tenty.
Tutor my parents wi’ caution,
Be wylie in ilka motion,
Brag well o’ ye’r land,
And there’s my leal hand,
Win them, I’ll be at your devotion.
(Allan Ramsay)
More Poetry from Allan Ramsay:
Allan Ramsay Poems based on Topics: Moderation & Temperance- My Peggy Is a Young Thing (Allan Ramsay Poems)
- The Young Laird and Edinburgh Katy (Allan Ramsay Poems)
- Give Me A Lass With A Lump Of Land (Allan Ramsay Poems)
- Lochaber No More (Allan Ramsay Poems)
Readers Who Like This Poem Also Like:
Based on Topics: Moderation & Temperance PoemsBased on Keywords: tutor, leal, tine, coffer, toom, keek, wyt, tocher, wylie, plenishing, sweer