1 When biting Boreas, fell and doure,
2 Sharp shivers thro’ the leafless bow’r;
3 When Phobus gies a short-liv’d glow’r,
4 Far south the lift,
5 Dim-dark’ning thro’ the flaky show’r,
6 Or whirling drift:
7 Ae night the storm the steeples rocked,
8 Poor Labour sweet in sleep was locked,
9 While burns, wi’ snawy wreeths upchoked,
10 Wild-eddying swirl,
11 Or thro’ the mining outlet bocked,
12 Down headlong hurl.
13 List’ning, the doors an’ winnocks rattle,
14 I thought me on the ourie cattle,
15 Or silly sheep, wha bide this brattle
16 O’ winter war,
17 And thro’ the drift, deep-lairing, sprattle,
18 Beneath a scar.
19 Ilk happing bird, wee, helpless thing!
20 That, in the merry months o’ spring,
21 Delighted me to hear thee sing,
22 What comes o’ thee?
23 Whare wilt thou cow’r thy chittering wing
24 An’ close thy e’e?
25 Ev’n you on murd’ring errands toil’d,
26 Lone from your savage homes exil’d,
27 The blood-stain’d roost, and sheep-cote spoil’d
28 My heart forgets,
29 While pityless the tempest wild
30 Sore on you beats.
(Robert Burns)
More Poetry from Robert Burns:
Robert Burns Poems based on Topics: War & Peace, Spring, Birds, Sleep- A Dedication (Robert Burns Poems)
- Address to the Devil (Robert Burns Poems)
- A Dream (Robert Burns Poems)
- Address ToThe Devil (Robert Burns Poems)
- Address to the Unco Guid (Robert Burns Poems)
- Address To A Haggis (Robert Burns Poems)
Readers Who Like This Poem Also Like:
Based on Topics: War & Peace Poems, Sleep Poems, Birds Poems, Spring PoemsBased on Keywords: flaky, blood-stain, phobus, chittering, snawy, brattle, sheep-cote, pityless, winnocks, sprattle, happing
- Of The Nature Of Things: Book II - Part 03 - Atomic Forms And Their Combinations (Lucretius Poems)
- The Celt's Paradise. Third Duan (John Banim Poems)
- Rhodon And Iris. Act III (Ralph Knevet Poems)
- The School Of The Heart. Lesson The Second. (Henry Alford Poems)
- An Anatomy Of The World... (John Donne Poems)