Chorus.-Blythe, blythe and merry was she,
Blythe was she but and ben;
Blythe by the banks of Earn,
And blythe in Glenturit glen.
BY 1 Oughtertyre grows the aik,
On Yarrow banks the birken shaw;
But Phemie was a bonier lass
Than braes o’ Yarrow ever saw.
Blythe, blythe, &c.
Her looks were like a flow’r in May,
Her smile was like a simmer morn:
She tripped by the banks o’ Earn,
As light’s a bird upon a thorn.
Blythe, blythe, &c.
Her bonie face it was as meek
As ony lamb upon a lea;
The evening sun was ne’er sae sweet,
As was the blink o’ Phemie’s e’e.
Blythe, blythe, &c.
The Highland hills I’ve wander’d wide,
And o’er the Lawlands I hae been;
But Phemie was the blythest lass
That ever trod the dewy green.
Blythe, blythe, &c.
Note 1. Written at Oughtertyre. Phemie is Miss Euphemia Murray, a cousin of Sir William Murray of Oughtertyre.-Lang. [back
(Robert Burns)
More Poetry from Robert Burns:
Robert Burns Poems based on Topics: Birds, Smiling- A Dedication (Robert Burns Poems)
- Address to the Devil (Robert Burns Poems)
- A Dream (Robert Burns Poems)
- Address ToThe Devil (Robert Burns Poems)
- Address to the Unco Guid (Robert Burns Poems)
- Address To A Haggis (Robert Burns Poems)
Readers Who Like This Poem Also Like:
Based on Topics: Smiling Poems, Birds PoemsBased on Keywords: miss, chorus, merry, wander, sir, meek, trod, thorn, written, lamb, dewy