MY curse upon your venom’d stang,
That shoots my tortur’d gums alang,
An’ thro’ my lug gies mony a twang,
Wi’ gnawing vengeance,
Tearing my nerves wi’ bitter pang,
Like racking engines!
When fevers burn, or argues freezes,
Rheumatics gnaw, or colics squeezes,
Our neibor’s sympathy can ease us,
Wi’ pitying moan;
But thee-thou hell o’ a’ diseases-
They mock our groan.
Adown my beard the slavers trickle
I throw the wee stools o’er the mickle,
While round the fire the giglets keckle,
To see me loup,
While, raving mad, I wish a heckle
Were in their doup!
In a’ the numerous human dools,
Ill hairsts, daft bargains, cutty stools,
Or worthy frien’s rak’d i’ the mools,-
Sad sight to see!
The tricks o’ knaves, or fash o’fools,
Thou bear’st the gree!
Where’er that place be priests ca’ hell,
Where a’ the tones o’ misery yell,
An’ ranked plagues their numbers tell,
In dreadfu’ raw,
Thou, TOOTHACHE, surely bear’st the bell,
Amang them a’!
O thou grim, mischief-making chiel,
That gars the notes o’ discord squeel,
Till daft mankind aft dance a reel
In gore, a shoe-thick,
Gie a’ the faes o’ SCOTLAND’S weal
A townmond’s toothache!
(Robert Burns)
More Poetry from Robert Burns:
Robert Burns Poems based on Topics: Sadness, Fire, Hell, Fool, Madness, Revenge & Vengeance- A Dedication (Robert Burns Poems)
- Address to the Devil (Robert Burns Poems)
- A Dream (Robert Burns Poems)
- Address ToThe Devil (Robert Burns Poems)
- Address to the Unco Guid (Robert Burns Poems)
- Address To A Haggis (Robert Burns Poems)
Readers Who Like This Poem Also Like:
Based on Topics: Sadness Poems, Fire Poems, Hell Poems, Fool Poems, Madness Poems, Revenge & Vengeance PoemsBased on Keywords: priests, groan, bell, gie, bitter, throw, burn, beard, ease, worthy, sight
- Palestine; A Prize Poem, Recited In The Theatre, Oxford (Reginald Heber Poems)
- The Fairy Of The Fountains (Letitia Elizabeth Landon Poems)
- Essay On War (Nathaniel Bloomfield Poems)
- Stanzas In Memory Of The Author Of 'Obermann' (Matthew Arnold Poems)
- The Misanthrope Reclaimed - Act I (George W Sands Poems)